Bwrsariaethau ar Gyfer Myfyrwyr sy’n Perfformio i’r Eithaf

Cafodd ymdrechion ei fyfyrwyr newydd sbon eu cydnabod gan Grŵp Colegau NPTC wrth iddo gyflwyno nifer o fwrsariaethau hael mewn seremoni a gynhaliwyd yng Ngholeg Castell-nedd.

Am y 14 blynedd ddiwethaf, mae’r Coleg wedi dyfarnu bwrsariaethau o £1,500 i’r myfyrwyr newydd a dderbynnir o ysgolion cyfun partner ac a gyflawnodd y canlyniadau gorau yn eu harholiadau TGAU.

Cyflwynwyd tystysgrif a bwrsari i’r myfyrwyr a berfformiodd i’r eithaf ar draws Grŵp Colegau NPTC i’w hannog i ddatblygu eu sgiliau, a dilyn, gobeithio, cyn-fyfyrwyr gan gynnwys un  myfyriwr blaenorol, o Ysgol Bae Baglan, Si Wai Hui, a dderbyniodd y fwrsariaeth academaidd ac aeth ymlaen i astudio Meddygaeth ym Mhrifysgol Rhydychen.  Astudiodd Si Wai gymwysterau Safon Uwch mewn Bioleg, Cemeg a Mathemateg yn y Coleg, gan gyflawni A* ym mhob un o’r tri phwnc yn ogystal ag Aur yn yr Olympiad Bioleg yn 2019.

Dyfernir ysgoloriaethau hefyd i helpu myfyrwyr sydd â gallu chwaraeon neu allu creadigol eithriadol i ddatblygu eu talentau i’w potensial mwyaf, ar yr un pryd â llwyddo yn eu hastudiaethau academaidd. Cafodd y derbynwyr eleni eu hymuno gan Lysgenhadon newydd y coleg, mathemategwyr ifanc a’r rhai sy’n egin beirianwyr a oedd hefyd yn derbyn bwrsariaeth yn y seremoni.

Ymunodd rhieni, staff y coleg, a nifer o benaethiaid o ysgolion bwydo lleol â’r myfyrwyr ac roeddent yn awyddus i weld gwaith caled eu cyn disgyblion yn cael eu gwobrwyo.  Roedd hyn yn cynnwys Pennaeth Blwyddyn 11 Ysgol Gyfun Dŵr-y-felin, Keith Williams a dywedodd:

‘Rwy’n hynod o falch bod ein cyn disgyblion i gyd yn cael eu cydnabod yma heddiw.  Roeddent yn grŵp blwyddyn eithriadol ac roeddent yn gweithio’n aruthrol o galed i gyflawni eu canlyniadau TGAU rhagorol. ‘

‘Mae’n wych bod y Coleg yn gallu rhoi’r bwrsariaethau hyn, ac mae’n gymhelliant mor fawr i fyfyrwyr i weithio’n galed a chael y canlyniadau gorau hynny yn eu cymwysterau TGAU. ‘

Roedd is-bennaeth Gwasanaethau Academaidd Grŵp Colegau NPTC, Judith Williams, wrth law i roi’r bwrsariaethau i’r myfyrwyr a dywedodd fod yr arian wedi helpu myfyrwyr blaenorol a oedd wedi camu ymlaen i lefel gradd a thu hwnt.

Dywedodd Judith: “Y myfyrwyr sy’n cael bwrsariaethau heddiw yw’r gorau o’r goreuon. Rydym yn falch iawn o’u gwobrwyo am eu llwyddiannau eithriadol. Mae rhai o’n henillwyr blaenorol wedi mynd ymlaen i astudio yn rhai o’r prifysgolion gorau yn y wlad.’

Eleni, derbyniodd tua 70 o bobl ifanc o Grŵp Colegau NPTC wobrau a dymunwn longyfarchiadau i’r canlynol:

(Cliciwch yma i weld ein horiel luniau lawn)