Diploma Estynedig Lefel 3 mewn Gwyddor Chwaraeon ac Ymarfer Corff – NCFE (Amser Llawn)

Crynodeb o’r cwrs

Mae Diploma Estynedig Lefel 3 NCFE mewn Gwyddor Chwaraeon ac Ymarfer Corff yn gymhwyster 2 flynedd, sy’n cyfateb i 3 Safon Uwch.

Mae hwn yn gwrs delfrydol i wella’ch gwybodaeth ddamcaniaethol ynghylch llawer o elfennau ymarferol ac elfennau gwyddor chwaraeon gan gynnwys; cadw’n heini ac yn iach, datblygu fel hyfforddwr a rhedeg digwyddiadau chwaraeon. Mae’r cymhwyster yn ei gwneud yn ofynnol i ddysgwyr fod yn frwdfrydig, yn addysgedig ac yn cael eu gyrru ym mhob uned i gwblhau’r amrywiol asesiadau a gwaith cwrs drwy gydol y cymhwyster. Nid oes arholiadau yn y cymhwyster cyfwerth â 3 Safon Uwch hwn, fodd bynnag mae’n ofynnol i ddysgwyr gwblhau’r holl asesiadau penodedig erbyn y dyddiadau cau gofynnol. Mae unedau’n cynnwys: Hyfforddiant Ffitrwydd, Maeth Chwaraeon, Profi Ffitrwydd a Hyfforddi Chwaraeon.

Byddwch yn cymryd rhan mewn gweithgareddau ymarferol fel Pêl-foli, Pêl-droed, Pêl-rwyd a Rygbi. Mae unedau’n cynnwys: Anatomeg a ffisioleg, hyfforddiant a rhaglennu ffitrwydd, profi ffitrwydd, maeth chwaraeon a hyfforddi chwaraeon. Mae cymwysterau ychwanegol yn cynnwys Gwobr Arweinwyr Chwaraeon a gwobrau NGB eraill fel; arweinwyr FAW, arweinwyr WRU, actifadu tenis (lle bo’n berthnasol).

Byddwch yn datblygu eich sgiliau a’ch rhinweddau mewn hyfforddi, arweinyddiaeth a threfnu digwyddiadau trwy weithio ochr yn ochr â llawer o’n partneriaid; rhedeg gwyliau a gweithio gyda selogion chwaraeon ifanc.